المراثي بلسان أهل هذا العصر على الطريقة المعروفة بالنعي للشيخ محمد نصار العراقي رحمه الله تعالى الكون اظلم ايعج الخيل واغبر * أو شع ابلمعة الأنصار وازهر احتوف هايجة أو ما تعرف الذل * اشلون إلي يعرينه أو هاج مشبل تلوى دون عزها لوية الصل * ابزاغوره أو نفج علموت الأحمر كل لماع مدرع يشع للناس * وجهه والدرع والسيف والطاس متبسم امشرعب ناشر الرأس * كفو بالموت دون احسين مستر اشچم حران من رمحه ايتطاير * تقول الموت من سيفه ايتگاطر ما والله گرب ليه أو تجاسر * عكوبسها أو ضل بالكون يذكر احلولك من لفت ذيچ المشاهير * احلول الموت وحلول المغاوير اظلم الكون بس لمع الغدادير * تشع ووجوهها بالكون تزهر لو صاح الحريب اورجوا الزان * ما والله ضل بالكون حران تغدى اگرومها شي شفت غزلان * ابمرتعها أسباع الزور تفتر گضو حق العليهم دون الخيام * أولا خلوا خوات احسين تنضام لما طاحوا تفايض منهم الهام * تهاووا مثل مهوى النجم من حر على الأنصار يا گلبي تفطر تهاووا مثل مهوى النجم من خر